លទ្ធផលរំពឹងទុក៖
ដសមត្ថភាព និងមធ្យោបាយត្រូវបានផ្ដល់នៅក្នុងវិស័យផែនការកម្ម និងធ្វើថវិកាត្រួតពិនិត្យ តាមដានមើលនិងការធ្វើ របាយការណ៍ ដើម្បីធ្វើឱ្យការអនុវត្ដ មានការទទួលខុសត្រូវមានប្រសិទ្ធភាព និងគ្រប់គ្រាន់

យុទ្ឋសាស្ត្រ ៖

៧.១ បង្កើតក្របខ័ណ្ឌច្បាប់មួយដែលកំណត់ស្ថាប័ន និងរចនាសម្ព័ន្ធវិស័យយុត្ដិធម៌ និងអាណត្ដិជាក់លាក់ព្រមទាំង ការទទួលខុសត្រូវរបស់ស្ថាប័ននីមួយៗ ចៀសវាងដោយប្រុងប្រយ័ត្ននូវការងារជាន់គ្នាដែលត្រូវអនុម័ត និងដែល ត្រូវសម្របសម្រួល។ អាណត្ដិ និងរចនាសម្ព័ន្ធ ត្រូវគោរពទាំងស្រុងតាមតម្លៃទាំងឡាយនៃវិសយ័យុត្ដិធម៌ ។

៧.២ ផ្ដល់ក្របខ័ណ្ឌច្បាប់ដើម្បីធានាឱ្យនីតិវិធី សេចក្ដីសម្រេច និងយន្ដការប្ដឹងឧទ្ធរណ៍នៃស្ថាប័នវិស័យយុត្ដិធម៌ មានការផ្សព្វផ្សាយជាសាធារណៈ និងមានតម្លាភាព។ តទៅមុខទៀតស្ថាប័នត្រួតពិនិត្យឯករាជ្យ មួយត្រូវបង្កើត ឡើងដោយច្បាប់ និងមានអាណត្ដិ និងធនធានគ្រប់គ្រាន់សម្រាប់ដំណើរការ

៧.៣ ធានាការអនុវត្ដច្បាប់ លិខិតបទដ្ឋាន និងសេចក្ដីសម្រេចរបស់តុលាការ ដោយស្ថាប័នវិស័យយុត្ដិធម៌ទាំងអស់ ស្របទៅតាមអាណត្ដិនិងភារកិច្ចរបស់វាដោយផ្ដល់នូវក្របខ័ណ្ឌច្បាប់ និងស្ថាប័នដែលបំពេញបន្ថែមដោយធនធាន ចាំបាច់ និងការបណ្ដុះបណ្ដាល។ តទៅមុខទៀត ត្រូវបង្កើតយន្ដការដាក់ទណ្ឌកម្ម ចំពោះការខ្វះខាតក្នុងការអនុវត្ដ រួមទាំងការដាក់ទណ្ឌកម្ម ចំពោះការរំលោភបំពានក្រមសីលធម៌ ឬវិធានស្ដីពីទំនាស់ ផលប្រយោជន៍

៧.៤ វិស័យយុត្ដិធម៌គួរអភិវឌ្ឍន៍ នូវប្រព័ន្ធត្រួតពិនិត្យដែលអាចវាស់វែងនូវរបៀបដែលអនុវត្ដរកយុត្ដិធម៌ (រួមទាំង វិធាននានា ដំណើរការស្ថាប័ន និងយន្ដការនៃការអនុវត្ដ ដើម្បីរកយុត្ដិធម៌) ហើយនៅក្នុងពេលជាមួយគ្នានេះដែរ បង្ហាញពីបញ្ហា និងកត្ដារាំងស្ទះឯទៀតនៅក្នុងការគ្រប់គ្រប់រដ្ឋបាលយុត្ដិធម៌

៧.៥ វិស័យយុត្ដិធម៌គួរអភិវឌ្ឍន៍ និងរក្សានូវផែនការកម្ម ថវិកាកម្ម និងសវនកម្មមួយ ប្រព័ន្ធតាមដាន ត្រួតពិនិត្យ គម្រោងនានាពាក់ព័ន្ធ និងធ្វើរបាយការណ៍ និងយុត្ដិសាស្ដ្រ រួមទាំងប្រព័ន្ធផែនការការងារ ៣ ឆ្នាំ ភ្ជាប់ និងគោរព ទៅតាមផែនការកម្មរាជរដ្ឋាភិបាល និងប្រព័ន្ធក្របខ័ណ្ឌចំណាយរយៈពេលមធ្យម។ ភាសាគ្រប់គ្រងរួមបែបនេះ នឹង គាំទ្រសហប្រតិបត្ដិការរវាងស្ថាប័ន នឹងអាចឱ្យវិស័យនេះសម្រេចអំពីអាទិភាព ដោយមិនបង្កគ្រោះថ្នាក់ដល់ ឯករាជ្យភាពនៃស្ថាប័ននីមួយៗ ស្របទៅតាមតម្លៃនៃវិស័យយុត្ដិធម៌ និងអាណត្ដិស្ថាប័ន ។

៧.៦ ស្ថាប័នវិស័យយុត្ដិធម៌គួរមានរចនាសម្ព័ន្ធ និងការរៀបចំផ្ដោតទៅលើការងារស្នូល និងដំណើរការពាក់ព័ន្ធបង្ក លក្ខណៈឱ្យមានការអភិវឌ្ឍធនធានមនុស្សបណ្ដុះបណ្ដាល និងត្រួតពិនិត្យ (មានទាំងតាមរយៈការទិតៀនស្ថាបនា ពីខាងក្រៅ) ក្នុងគោលបំណងទទួលនូវការទិទៀនស្ថាបនា នៅក្នុងការគ្រប់គ្រងគ្រប់កម្រិតទាំងអស់ និងការអនុវត្ដ វិន័យឱ្យបានសមស្រប

៧.៧ អភិវឌ្ឍគោលនយោបាយគ្រប់គ្រងធនធានមនុស្សដែលគូសបញ្ជាក់ពីការជ្រើសរើស និងគោលនយោបាយ អាជីព និងសេចក្ដីណែនាំដែលពាក់ព័ន្ធ និងលក្ខណៈវិនិច្ឆ័យសម្រាប់ការតែងតាំង ការតម្លើងឋានន្ដរស័ក្ដិ និងថ្នាក់ ការផ្លាស់ប្ដូរ ការដាក់វិន័យគោលនយោបាយ បណ្ដុះបណ្ដាល និងការវាយតម្លៃ សេចក្ដីត្រូវការជាប្រព័ន្ធដែលពាក់ព័ន្ធ និងកម្មវិធីបណ្ដុះបណ្ដាលនៅក្នុងវិស័យដូចតទៅ ការបញ្ចូលដល់និយោជិតថ្មី ការបណ្ដុះបណ្ដាលនិយោជិត ដែល តម្លើងឋានៈថ្មី និងការបណ្ដុះបណ្ដាលជំនាញវិជ្ជាជីវៈ និងបច្ចេកទេស ការបណ្ដុះបណ្ដាលជំនាញគ្រប់គ្រង និងភាព ជាអ្នកដឹកនាំ និងការយល់ដឹងទូទៅ និងការអនុវត្ដក្រមសីលធម៌ ។ ជាចុងក្រោយ គោលនយោបាយគួរ រួមបញ្ចូលនូវ ប្រព័ន្ធតម្លាភាព ដាក់វិន័យនូវរបៀបឱ្យស្ថាប័នប្រឆាំងនឹងអំពើពុករលួយ និងជំរុញឱ្យប្រសើរឡើងនូវសីលធម៌ ។

៧.៨ ផ្ដល់ក្របខ័ណ្ឌច្បាប់អភិវឌ្ឍន៍ និងថែរក្សាប្រព័ន្ធគ្រប់គ្រងការអនុវត្ដ ដែលជារៀងរាល់ឆ្នាំ ស្ថាប័នត្រូវត្រួតពិនិត្យ ការអនុវត្ដរបស់ខ្លួន ហើយធ្វើបច្ចុប្បន្នភាពផែនការយុទ្ធសាស្ដ្របីឆ្នាំរបស់ខ្លួន និងដាក់ចេញនូវផែនការ កែលំអ សេវាកម្ម ប្រចាំឆ្នាំ

អាទិភាពកំណត់៖

៧.៤.១ បង្កើតប្រព័ន្ឋពិនិត្យតាមដាននៃវិសយ័យុត្តិធម៌ ដើម្បីវាស់វែងការអនុវត្តទូទៅ រួមទាំងរដ្ឋបាលនៃវិស័យនេះ ដើម្បីជាមគ្គុទេសក៍សម្រាប់កំណែទម្រង់ទាំងមូល

៧.៥.១ ការអភិវឌ្ឍនិងការរក្សានូវប្រព័ន្ឋរួមមួយអំពីការធ្វើផែនការ ការរៀបចំថវិកា និងសវនកម្ម ការតាមដាន និងការធ្វើរបាយការណ៍ ស្របទៅតាមផែនការកម្មរបស់ រាជរដ្ឋាភិបាល និងក្របខ័ណ្ឌចំណាយរយៈពេលមធ្យម (ដំណាក់កាលទី១)

៧.៥.២ ផែនការការងារសម្រាប់នគរបាល ប្រព័ន្ឋពន្ឋនាគារ អយ្យការ រដ្ឋបាលតុលាការ និងស្ថាប័នផ្សេងៗទៀតនៃវិស័យច្បាប់ និងតុលាការ រួមទាំងសាលារៀនរបស់វិស័យច្បាប់ និងតុលាការ (ដំណាក់កាលទី១)

៧.៧.១ កសាងសមត្ថភាពចាំបាច់របស់ស្ថាប័ននីមួយៗ ដើម្បីបំពេញអណត្តិរបស់ខ្លួន ដោយការអភិវឌ្ឍន៍គោលនយេបាយគ្រប់គ្រងធនធានមនុស្ស

ទាញយកព័ត៌មានលំអិត [PDF - 102KB]

អាទិភាពកំណត់៖

៧.៥.១ ការអភិវឌ្ឍ និងការរក្សានូវប្រព័ន្ឋរួមមួួយអំពីការធ្វើផែនការ ការរៀបចំថវិកា និងសវនកម្ម ការតាមដាន និងការធ្វើរបាយការណ៍ ស្របទៅតាមផែនការរបស់រាជរដ្ឋាភិបាល និងក្របខ័ណ្ឌចំណាយរយៈពេលមធ្យម (ដំណាក់កាលទី២)

៧.៥.២ ផែនការការងារសម្រាប់នគរបាល ប្រព័ន្ឋពន្ឋនាគារ អយ្យការ រដ្ឋបាលតុលាការ និងស្ថាប័នផ្សេងៗទៀតនៃវិស័យច្បាប់ និងតុលាការ រួមទាំងសាលារៀនរបស់វិស័យច្បាប់ និងតុលាការ (ដំណាក់កាលទី២)

៧.៦.១ រៀបចំអង្គភាពផែនការផ្ទៃក្នុង ដើម្បីជួយដល់ការបំពេញអាណត្តិរបស់ស្ថាប័ន និងរៀបចំប្រមូលព័ត៌មានប្រតិបត្តិការ (ទិន្នន័យស្ថិតិ )

៧.៦.២ ការធ្វើឲ្យមានទស្សនៈរួមគ្នារវាងស្ថាប័ននៃវិស័យយុត្តិធម៌ ជាពិសេសទាក់ទងនឹងការទទួលព័ត៌មានប្រតិបត្តិ

ទាញយកព័ត៌មានលំអិត [PDF - 96KB]

អាទិភាពកំណត់៖

៧.១.១ ការអនុម័តច្បាប់អង្គការ និងច្បាប់ស្តីពីស្ថាប័នរដ្ឋបាល និងស្ថាប័នយុត្តិធម៌ (ការរៀបចំតុលាការ ឧត្តមក្រុមប្រឹក្សានៃអង្គចៅក្រម ក្រុមប្រឹក្សាធម្មនុញ្ញ ក្រសួង និងស្ថាប័នប្រតិបត្តិដទៃទៀត នគរបាល ប្រព័ន្ឋពន្ឋនាគារ និង ក្រុមប្រឹក្សាវិនយ័)ដែល ធានាឲ្យមានការសម្របសម្រួលក្នុងការបំពេញអាណត្តិរបស់ស្ថាប័ននីមួយៗ

៧.២.១ ការអនុម័តក្រមនីតិវិធី រួមទាំងក្រមនីតិវិធីរដ្ឋបាល ច្បាប់ស្តីពីការិយាល័យ ការពារ សិទ្ឋិប្រជាពលរដ្ឋ (OMBUDSMAN) ច្បាប់ស្តីពីលទ្ឋភាពទទួលបានព័ត៌មាន ដោយផ្តោតជាពិសេសទៅលើការធានានូវតម្លាភាពក្នុងស្ថាប័ន វិសយ័យុត្តិធម៌

៧.៣.១ ក្រមសីលធម៌សម្រាប់នគរបាល មន្ត្រីពន្ឋនាគារ មន្ត្រីតុលាការ (ចៅក្រម ព្រះរាជអាជ្ញា មន្ត្រីយុត្តិធម៌) និងមន្ត្រីរាជការឯទៀត បន្ថែមទៅដោយឧត្តមក្រុមប្រឹក្សា នៃអង្គចៅក្រមដែលមានដំណើរការល្អ ក្រុមប្រឹក្សាសេវាយុត្តិធម៌ ក្រុមប្រឹក្សាវិនយ័ សម្រាប់មន្ត្រីនគរបាល ក្រុមប្រឹក្សាវិនយ័សម្រាប់មន្ត្រីរាជការ ដើម្បីធានាឲ្យការអនុវត្ត មានប្រសិទ្ឋភាព

៧.៣.២ បទប្បញ្ញត្តិច្បាប់និងសេចក្តីណែនាំ អំពីទំនាស់ផលប្រយោជន៍

៧.៣.៣ បង្កើតបទដ្ឋានអប្បបរមាសម្រាប់ការទទួលបានសញ្ញាបត្រ័ផ្នែកនីតិសាស្ត្រឬរដ្ឋបាលសាធារណៈ

៧.៣.៤ សាលាសម្រាប់ចៅក្រម មន្ត្រីតុលាការ នគរបាល ប្រព័ន្ឋពន្ឋនាគារ និងសម្រាប់ការអប់រំមូលដ្ឋានដល់មន្ត្រីរាជការ រួមទាំងកម្មវិធីបណ្ដុះបណ្ដាលបន្ត

៧.៣.៥ វិធានការប្រឆាំងអំពើពុករលួយ រួមទាំងច្បាប់ស្តីពីការប្រឆាំងអំពើពុករលួយ

៧.៣.៦ អត្ថិភាពនៃមុខងាររបស់ការិយាល័យការពារសិទ្ឋិប្រជាពលរដ្ឋ (OMBUDSMAN)

៧.៨.១ បទប្បញ្ញត្តិស្តីពីការរៀបចំបង្កើតរបាយការណ៍ប្រចាំឆ្នាំ សម្រាប់សេវាកម្មនៅ ក្នុងវិសយ័យុត្តិធម៌

ទាញយកព័ត៌មានលំអិត [PDF - 91KB]